谢安琪(Kay)首次演电视剧《殭》大结局喇!Kay嘅演技同造型都获粉丝激讚,仲有人撑佢拍续集添。《东网》联络到阿Kay,讲到有粉丝支持佢再拍剧,Kay就话:「估唔到大家真系咁锺意,好多谢大家锺意蓝梦南呢个角色,收到好多粉丝同朋友支持,佢的都话想有《殭》第二辑,真系好开心。」
系唔系想拍续集先?Kay开到口话:「心郁郁嘅,不过年纪真系大喇,唔知再有冇咁嘅魄力。剧集开头都承受左压力,发现好多人留意我嘅演出,不过去到后面大家咁喜欢,都好有满足感。依家睇番拍剧嗰阵真系好怀念,有机会都可以再拍,不过唔系短期嘅事,睇吓剧本再决定。」